"Nurse Calvin, paki-assist mo muna iyong mga patients na nasa waiting area. Please," pakikisuyo ni Doctor Aries sa kanya. Aligaga ang Team Care ngayon sa isinasagawa nilang medical mission. Karamihan ngayon sa mga dumalo sa Barangay San Antonio ay mga senior citizens at mga bata. May iilan naman na buntis na inaasikaso ni Doctora Velasquez.
Nilapitan ni Calvin ang hilera ng mga senior citizen na nagkakagulo sa pila. May ilan kasi na sumisingit sa pila kahit na hindi naman senior citizen katulad ng isang matandang babae na nakikipag-away sa isang matandang lalaki. Imbes na mapabilis ang daloy ng pila mas bumabagal dahil sa pagkakagulo sa pila ng mga ito.
"Good morning po mga Lolo at Lola. Kaunting pasensiya na po muna habang inaasikaso po ni Doctor Aries iyong mga naunang pasyente. Kukuni
