MATAPOS kumain ni Yana ng almusal ay nagpaalam na rin siya kay Sir Philip. Hindi na siya sumabay pa rito katulad ng alok nito sa kanya.
Tinahak ni Yana ang daan palabas ng Amara Subdivision. May ibinigay na ID sa kanya si Sir Philip na ipapakita niya sa security guard.
Pinalabas naman siya nito ng subdivision. Sa kanilang bayan lang namang ang San Manuel kaya mabilis lamang niya iyong mapupuntahan. Minabuti ni Yana na mag-abang ng tricycle patungo sa San Manuel Subdivision.
Nasa kanya pa ang susi ng bahay ni Acer. Kailangan pa niyang isauli iyon kay Manong Harold. Isa pa kailangan din niyang mabawi ang cellphone niya kay Acer at makuha na rin ang iba pa niyang gamit sa bahay nito.
Ngunit paano naman siya pupunta sa bahay ni Acer nang hindi siya nagpapakita rito?
Isinandal niya ang lik
