HINDI naging maayos ang tulog ni Yana kagabi dahil si Acer ang laman ng isip niya. Naiinis na rin siya sa sarili niya dahil kahit na sabihin pa niya na galit siya rito ay para naman siyang timang na minuminuto iniisip ito.
Maloloka yata si Yana dahil sa halik ni Acer.
Pinili ni Yana na lumabas na lamang ng kuwarto na dala ang bag niya. Sa lapag naman siya kagabi dahil hindi niya gustong madumihan ang puting kumot at bedsheet.
Nakakahiya kay Sir Philip lalong-lalo na sa mga katulong nito.
Pagbaba niya ng hagdan ay nakita niya ang mga katulong na naglilinis na ng bahay ni Sir Philip. Alas singko pa lamang ng umaga. Sa bahay ni Acer alas sais na nagigising si Manang Juris para mag-asikaso ng mga pagkain. Ngunit dito ibang-iba. Nahihiya tuloy si Yana na magpakita sa mga ito.
"Ineng, ikaw
