HINDI mawala ang ngiti sa mga labi ni Acer habang nasa loob siya ng kanyang kuwarto. Hindi talaga niya mapigilan na hindi matawa kay Yang.
Sadyang pinipigilan lamang niya ang kanyang sarili na hindi pansinin ito. Ngunit simula nang makilala niya si Yang ay hindi na siya muli pang nakipagkita kay Femie. Iniiwasan na rin niya ang kanyang secretary at itinuon ang sarili sa kanyang anak.
Narinig niya kanina si Siena na magaling nang magsalita. Nakikipagsabayan ito sa pagkanta ng mga children songs kasama ni Yang. Mas nagiging palatawa din ito at hindi na palaging nakasimangot at umiiyak.
Natutuwa si Acer na makita ang pagbabago ng kanyang anak. Gusto niyang pasalamatan kanina si Yang pero mas nangibabaw sa kanya ang pagdududa. Hindi kasi niya maiwasan kung minsan ang maging masungit lalo na
