Hindi maipinta ni Yana ang ngiti sa kanyang mga labi. Gusto pa siyang isahan ng kanyang kapatid kaya ito nagiging mabait sa kanya kanina. Alam na niya ang style nito at hindi naman siya nito maloloko.
Handa na siyang ipaglaban si Acer dahil nangako siya na mamahalin ito ng tapat at totoo. Nangako din ito sa kanya na mamahalin siya ng wagas. Pinaniwalaan niya iyon kaya naman gusto niyang ipakita rito na handa na siyang ipaglaban ang pag-ibig niya.
Hindi na siya natatakot sa p'wedeng mangyari. Alam na ni Yana kung paano kokontrahin ang kanyang kapatid. Nararamdaman niya na mabuti din ang puso nito at nagiging maldita lamang dahil gusto nitong ipakita sa kanya na hindi pa rin siya nito tanggap bilang kapatid.
Walang nagawa si Yana kun'di maglakad pabalik sa San Joaquin kahit na madilim ang
