"Hindi ka na dapat kasi nagpapaniwala kay Femie. Tignan mo tuloy ang nangyari sa iyo. Basang-basa ka sa ulan tapos muntik ka pang ma-kidnap ng mga adik," paulit-ulit na sabi ni Acer habang nakaluhod sa sahig at nakatingin sa kanya na nakaupo sa may gilid ng kama.
Dinala siya ni Acer sa isang apartment sa San Joaquin dahil na-trap sila ng malakas na ulan. Biglang bumuhos muli ang malakas na ulan kaya nagpasya sila na manatili na lang sa isang lumang apartment.
Hindi siya makatingin kay Acer dahil nakasuot lamang siya ng bathrobe. Bukod doon wala na siyang ibang damit dahil basang-basa ang mga iyon ng ulan.
"Buddy, nakikinig ka ba sa akin?" untag sa kanya nito.
"O-Oo. Hindi ka pa ba lalabas ng kuwarto? Baka may available pa na unit diyan sa kabila,", aniya habang mahigpit na hinahawakan
