Mahigpit na hinawakan ni Yana ang kamay ng kanyang ama habang nakatingin kay Acer na mukhang sasakmal ng buhay. Umiigting ang panga nito at hindi halos makangiti.
"Hindi mo kasama ang secretary mo, Acer?" nakangiting tanong dito ni Daddy.
Seryosong umiling si Acer sa kanyang ama. At nang tuluyan siyang makalapit ay hinila siya nito kaagad. Nabitawan ni Yana ang kamay ng kanyang ama dahil sa pagkakabigla.
"Uuwi na po kami, Mister Philip Amara. Mukhang hindi alam ni Yana ang ginagawa niya. Hindi ko kailangan ng tulong ninyo kung ang kapalit ng lahat ng ito ay ang pakikipaglapit sa inyo ni Yana," maawtoridad na sabi ni Acer dito.
"Wala namang masama kung makikipaglapit nga si Yana sa akin, Acer."
Bumitaw siya sa pagkakahawak ni Acer sa kanya at saka mabilis na nagtungo sa likod ng kanyan
