KAAGAD na pinuntahan ni Yana ang kanyang ama na nasa ICU dahil iyon ang sinabi sa kanya sa information desk ng isang nurse na pinagtanungan niya. Nakita niya na naroon sa labas ng ICU room sina Nanay Rosario at Femie. Linapitan niya ang mga ito na nakaupo sa may silya na naroon. Bakas sa mukha ni Femie ang galit nang makita siya nito. Habang si Nanay Rosario naman ay hindi mapakali sa kinauupuan nito. At nang makita siya nito ay kaagad itong lumapit sa kanya.
“Yana, saan ka ba nagpunta, iha? Nag-aalala sa iyo ang daddy mo kaya---”
Tumayo si Femie at kaagad na hinila ang kanyang kamay. “Kasalanan mo kung bakit nasa ICU ngayon si Daddy!” galit na galit na sabi nito sa kanya. Mahigpit nitong hinawakan ang kanyang kamay at tila walang balak na bitawan iyon.
“Bakit ba ako na lang palagi ang
