HINDI na pumasok si Yana sa trabaho sa Amara one stop shop. Nagdesisyon na humanap na lamang ng ibang trabaho. Kaysa makipagtalo araw-araw kay Femie dahil alam niyang hindi siya tatantanan nito.
Maagang umalis si Yana sa bahay ni Calvin. Hindi na rin naman uuwi ito dahil marami daw itong gagawin sa hospital para sa medical mission. Naglalakad si Yana palabas ng subdivision nang hintuan siya ng isang gray na van. Kabisado na niya ang plate number ng van ni Don Antonio na siguradong nagmamay-ari ng gray na van na nakahinto sa tapat niya.
Binuksan nito ang pinto at nakita niya si Don Antonio na nakangiti sa kanya.
"Good morning, Tatang," nakangiting bati niya rito.
"Good morning din, Yang. Saan ka pupunta?" nagtatakang tanong nito sa kanya.
"Maghananap po ako ng bagong trabaho, Tatang."
