Hindi maalis ang ngiti sa mga labi ni Yana habang nakatingin siya kay Calvin na hindi makapaniwala sa kanyang ikinukuwento.
"Nagulat nga ako dahil may delivery rider din na dumating at ibinigay sa akin iyong mga in-order ni Acer. Iyan nga iyong bulaklak o, inuwi ko pa," natutuwang pagkukuwento niya rito.
"Anong sinabi ng mga kasama mo sa trabaho? First day mo pa lang sa Amara marami ka ng suitors?" tanong nito habang kumakain ng pizza na inuwi rin niya na galing kay Acer.
"Inaasar nila ako mabuti pa raw ako maraming manliligaw at hindi lang iyon, dahil galante pa raw." Umupo naman si Yana sa sofa at itinaas ang kanyang mga paa.
"Haba ng hair mo, Yang. Walang sinabi iyong in-order kon kanin at isang fried chicken sa iyo niyan."
"Salamat sa pagkain, ha. Huwag mo na iyong gagawin. Alam k
