Alas tres na ng madaling araw nang magising si Yana dahil nakakaramdam na siya ng gutom. Hindi siya kumain ng hapunan dahil kaagad na dumiretso siya sa hospital.
Nakita niya na nakatulog si Acer sa tabi ni Siena. Kinuha niya ang jacket nito sa couch at saka ipinatong iyon sa likod ni Acer. Sinulyapan niya ito na mahimbing na natutulog.
Kahit na tulog ito guwapo pa rin. Hindi tuloy niya mapigilan na titigan muna ito sandali bago siya umalis.
Ninakawan siya nito ng halik kagabi. Naramdaman niya iyon ngunit hindi na lamang niya pinansin. Kahit na pilit niya itong ipinagtatabuyan palagi pa rin iyong nakadikit sa kanya. Hindi niya tuloy kayang sabihin dito na anak siya ni Sir Philip.
Hindi niya alam kung ano ang magiging reaskyon ni Acer kapag nalaman nito na mas mayaman pa pala ang kanyang
