Tawang-tawa si Yana habang iniisip ang mga kalokohan niya. Hindi naman talaga si Calvin ang kausap niya sa cellphone kanina kun'di si Julie. Ipinaalam niya rito kung nasaan siya dahil nag-aalala na raw ito nang husto sa kanya.
Nagkataon lang na nakita niya si Acer na lumabas ng bahay nito kaya naman nagpanggap siya na kunwari kilig na kilig sa kausap niya.
Sinadya rin niya na malaglag sa swing para naman maging makatotohanan ang nararamdaman niya kunwari.
Tulog na tulog na si Raniyel nang pumasok siya sa loob ng kanilang kuwarto nito.
Humiga siya sa kama at inilagay sa may bulsa ng bag niya ang cellphone niya. Sweetycakes ang inilagay niyang pangalan ni Julie sa contact name nito sa cellphone niya.
Mukhang nagseselos nga ito kanina. Okay na okay iyon dahil nakikita niya kung paano maa
