Mula sa may tindahan na napagtanungan nila ni Acer ay nakumpirma ni Yana na ang bahay na barong-barong na natatanaw niya ay ang tinitirahan ngayon ng kanyang Tita Olga at ni Aling Flores.
Nakaupo sila ni Acer sa mahabang bangko sa karinderya at kakatapos lamang nitong kumain ng pansit. Hawak niya at nakapatong naman sa kanyang mga hita ang plastic na may laman ng pansit at pandesal na binili niya.
"Dito ka lang, Acer. Ako na ang lalapit sa kanila. Hindi ka nila p'wedeng makita," mahinang sabi niya rito.
"Pero---"
Binalingan niya ito. "Please."
Napilitan na tumango si Acer. Alam niya na nag-aalala lamang ito sa kanya. Ngunit wala naman itong dapat na ipag-alala dahil sa nakikita niyang sitwasyon ng kanyang tiyahin ay wala itong kakayahan na gumawa pa ng masama sa kanya.
"Tawagan mo ak
