PARA KAY Ahtisa, sobrang worth it ng naging instant jamming nila sa manggahan. Kahit na mas madalas ay mayroon silang sariling mundo nina Yunah at Ehra na para bang hindi nag-e-exist sina Kieran, Val at Zayne.
“Sana, sa susunod ay makapag-jamming ulit tayo,” nakangiti pa niyang wika kina Ehra at Yunah.
Nag-enjoy talaga siyang kasama ang mga ito.
Inabot na sila ng hapon sa manggahan. Pero sa totoo lang, parang ang bilis ng oras dahil sa masayang kuwentuhan. Para ngang mas lumalim lalo ang pagkakaibigan nila ni Yunah. Tapos nadagdagan pa ng isang Ehra na naging magaan na rin ang loob sa kaniya. Ngumingiti na ito ng genuine at hindi napipilitan lang.
“Ako, malapit lang,” ani Yunah. “One call away. Pero itong si Ehra, nasa malayo.”
“Kung puwede lang mag-teleport papunta rito para mas mabi
