“KUYA VAL,” ani Ahtisa sa kaniyang pinsan nang lapitan niya ito matapos nilang mag-almusal. Pabalik na sana ito sa silid nito.
“Oh?”
Agad naman siyang ngumiti rito nang matamis. “Mamayang ten o’clock, lalabas tayo.”
Kumunot naman ang noo ni Val. “Lalabas? May gusto ka bang puntahan?”
“Hmm. At gusto kitang kasama. Okay? So, ‘wag kang mawawala,” malambing pa niyang ungot sa pinsan.
“Saan ba ‘yon?”
“‘Wag ka ng maraming tanong. Basta, maganda doon sa pupuntahan natin nina Kieran.”
Tumango na lamang si Val. “Okay.”
Wala itong kamalay-malay na sa pupuntahan nila ay kasama nila si Ehra.
“See you later,” nakangiti pa niyang paalam sa kaniyang pinsan bago ito tinalikuran.
Ang susunod niyang lalapitan ay si Ehra. Pero hindi naman niya kaagad magawa dahil palagi itong kasama ni Kaycee. Baka
