ANG TINGIN ni Ahtisa ay hindi niya magawang alisin sa pinsan niyang si Val nang sa wakas ay bumaba na rin ito galing sa silid nito.
Magtatanghalian na nang bumaba ito. Ligo na rin at looking fresh.
Para ngang lalong gumwapo ng one-hundred times sa kaniyang paningin ang kaniyang pinsan. Dahil ba nadiligan ito kagabi?
Napahimas pa si Ahtisa sa kaniyang baba habang hindi pa rin inaalis ang kaniyang tingin kay Val.
“Bakit parang manglalamon ka ng buhay?” salubong pa ang kilay na tanong sa kaniya ni Val nang lapitan siya nito sa may malawak na salas kung saan siya pumwesto para makita ang pagbaba ng mga taong gusto niyang makita.
At ang unang bumaba galing sa pangalawang palapag ng mansiyon ay ang kaniyang pinsan.
Habang si Ehra, parang wala pa sa wisyong bumaba. Baka tulog pa o natatakot
