“MUKHANG HANGGANG sana all na lang tayo sa pamangkin nating si Kieran, William,” palatak pa ng Mama Corazon ni Zayne habang hindi inaalis ang tingin kina Ahtisa at Kieran sa may stage. Nagdampi pa ito ng tissue sa bawat sulok ng mga mata nito dahil nadala rin ito sa napakagandang tagpo sa gabing iyon.
“Ano pa nga ba,” tugon din ni William Fontebella sa asawang si Corazon. “Baka magugunaw na ang mundo kapag ginawa ‘yan ni Zayne.”
“Ni wala ngang maiharap sa ating nobya. Kaya kay Ethan na lamang ako aasa na magkakaroon ng isang matinong relasyon.”
“Magkakaapo na po kayo kay Sofia,” angal naman ni Zayne. “Okay na po ‘yon.”
Napapailing na lamang ang ama ni Zayne dito. “Iba ang apelyido ng kapatid mo. Wala pang magdadala sa apelyido natin, Zayne. Kaya kumilos-kilos ka at magtino.”
Hindi na
