“THANK you sa jamming, Val,” wika pa ni Zayne kay Val na mayroon pang pagyakap dito. “Ikaw yata talaga ang totoo kong pinsan sa past life ko.”
Napatawa naman si Val sa sinabing iyon ni Zayne. Tinapik pa nito sa balikat ang pinsan ni Kieran.
“Masaya rin ako na maka-jamming kayong dalawa ni Kieran. Way back in Manila, wala talaga akong time makipag-jam ng ganito. Kaya pasensiya na, Kieran.”
“No worries, Val,” nakakaunawa namang wika ni Kieran dito. “Siguro naman, sa susunod na pumasyal ulit ako sa Manila, magkaka-jamming din tayo.”
“Sisiguraduhin ko ‘yan. I’ll make time,” pangako pa nito sa kaniya.
Natutuwa naman ang pakiramdam ni Kieran dahil sa sasaglit na sandali ay parang mas naging close na sila ni Val.
“‘Wag kang workaholic,” bilin pa ni Zayne kay Va. “Baka sa sobrang busy mo sa
