BUHAT sa kaniyang pagkakaupo ay napatayo pa si Ahtisa nang matanawan ng mga mata niya ang pagbalik nina Kieran at Zayne sakay ng mga kabayo nito. Pero hindi niya mawari kung sino ang nauuna sa dalawa.
“Kuya Val, sino ang nauuna?” tanong pa niya sa kaniyang pinsan na hindi inaalis ang tingin sa kinaroroonan nina Kieran.
Nagsalubong pa ang mga kilay ni Val. “Hindi ko matantiya kung sino.”
“Si Sir Zayne po ang nangunguna,” inporma ng isang lalaki na mayroong hawak na telescope. Nakatayo iyon malapit sa kanila ni Val.
Si Zayne? hiyaw ng kaniyang isipan.
Hindi maaari!
Hindi puwedeng matalo si Kieran sa contest na iyon.
Kung bakit isa pa siya sa naghamon kanina na gusto niyang makitang mangabayo si Kieran na nauwi sa pagkakaroon ng consequence sa matatalo.
Nanlalambot na naupo siya sa ka
