MATIYAGANG naghihintay si Kieran na bumukas ang pinto ng banyo na pinasukan ni Ahtisa. Mayroong munting hallway na medyo papasok sa papunta sa kinaroroonan ng mismong pintuan ng banyo kaya hindi obvious ang pagiging tambay niya roon.
Hindi naman nagtagal at bumukas din sa wakas ang pinto ng banyo na halos ikapigil pa ni Kieran sa kaniyang paghinga.
Agad ang pagiging blangko ng hitsura ni Ahtisa nang makita ang kaniyang pagmumukha.
Wala naman siyang sinayang na sandali at kaagad din siyang pumasok sa loob ng banyo. Hinila pa niya si Ahtisa papasok muli sa loob niyon at ni-lock ang pinto.
“Hindi katulad ng kung ano mang iniisip mo ‘yong nangyari kanina,” kaagad niyang paliwanag kay Ahtisa.
“Ano ba ang iniisip ko?” walang kangiti-ngiting tanong ni Ahtisa kay Kieran.
Mas nakakakaba pa an
