NANG muling makabalik sa coffee shop na iyon si Ahtisa, na overlooking ang ganda ng San Roque, hindi mapalis ang ngiti sa mga labi niya. Parang kailan lang noong huling beses siyang makarating sa lugar na iyon.
“Ito sanang view ‘yong gusto kong ma-enjoy noon,” sabi pa niya kay Kieran. “Thank you,” wika pa niya nang alalayan siya nitong maupo sa inupuan nito dati at ng kasama nitong si Zayne na pinsan pala nito.
“Ngayon, mas ma-e-enjoy mo na ‘yong view rito na walang ibang iniisip na kung ano.”
“Ganoon na nga,” sang ayon niya.
Um-order lang siya ng hot chocolate dahil bawal naman siya sa kape. Tapos sinamahan na rin niya ng ensaymada. Natakam kasi siya sa maraming cheese sa ibabaw niyon. Si Kieran naman ay kape lang ang in-order nito.
At habang hinihintay nila ni Kieran ang order nila,
