NANG maubos ang pagkain ni Ahtisa, ang balak sana niya ay kukuha pa siya ng second batch. Kaso lang, nagsimula na rin ang birthday party ni Kieran.
Pinangunahan iyon ng isang taimtim na panalangin at sinundan ng pagbati kay Kieran. Kapagkuwan ay sumunod ang isang opening performance mula sa isang sikat na mang-aawit sa bansa. Hindi na umalis sa puwesto niya si Ahtisa dahil kita naman niya mula roon ang ganap sa bandang unahan.
Tahimik siyang sumisimsim ng juice sa kaniyang baso nang makaramdam naman siya ng panunubig.
Perks of being pregnant.
“Wrong timing naman,” anas pa niya bago ipinasya na munang tumayo.
Para hindi makaagaw ng atensiyon ay muli siyang dumaan sa may gilid ng mansiyon. Sa mismong front door siya dumaan. Dahil alam niyang mas gamit ngayon ang banyo sa ground floor, k
