NAPAKISLOT si Ahtisa nang buhat sa kaniyang likuran ay mayroong yumakap sa kaniya.
“Kieran,” mahina pa niyang saway rito at baka may makakita sa kanilang dalawa sa may terrace.
“What? Wala naman dito sina lolo.”
Nang mga sandaling iyon ay nasa Casa Mariana ang kaniyang pinsan na si Val at ang kaniyang Mamita. Sumama rin sa mga ito si Don Aurelio sa kadahilanang gustong makita ang Casa Mariana na palagi lang nitong nadaraanan.
“Kahit na. Baka may ibang makakita sa atin.” Isa pa, hindi lang naman sila ang tao sa mansiyon. Maraming tauhan ang mga ito roon.
Hinagkan pa siya ni Kieran sa kaniyang balikat bago siya nito tuluyang binitiwan. Tumayo na lang ito sa may tabi niya.
“Tara na?” pag-aaya pa sa kaniya ni Kieran.
“Saan?”
“Sinabi ko kasi kay lolo na ipapasyal kita ngayon.”
“Saan ng
