LORABEL
Limang araw na ang nakaraan, pero kahit anong gawin ko ay balewala kay Uncle Zarex. Ang laki ng nawaldas kong pera dahil galit ako sa kaniya, pero ayos lang sa kaniya 'yon, kaya nagbago ako ng estratehiya.
Lahat ng binibigay niya sa akin ay ayaw kong tanggapin, ayaw ko rin siyang kausapin at katabi sa kama kasi sabi ko mabaho siya, pero hindi ko siya nakitang nagalit, kaya lalo lamang akong naiinis.
Ilang araw nang mainit ang ulo ko. Nagkukulong lang ako dito sa silid niya, pero ang akala ni Uncle Zarex ay epekto lamang ito ng pagbubuntis ko dahil ito ang sinabi ng lintik na kaibigan niya.
Pinaalis ko rin siya sa kama dahil ayaw ko siyang katabi, kaya sa sofa siya natutulog ngayon. Hinihintay ko siyang magalit, pero hindi ganoon ang nangyari; bagkus, kunwari ay naging understa
