LORABEL
Hindi pumasok si Uncle Zarex kahit sinabihan ko siya na huwag na akong bantayan dito sa ospital dahil puwede naman akong samahan nina Jaja at Ate Kring, pero hindi siya nakinig sa akin.
Maghapon at magdamag ko tuloy siyang kasama, kaya mukha niya ang nakikita ko kapag nagigising ako. Wala naman akong ibang ginagawa dito kundi ang kumain at matulog dahil naging antukin ako.
Nakakantok ang gamot na iniinom ko, tapos mahina pa ang katawan ko, kaya mas mahaba ang oras na tulog ako. Si Uncle Zarex naman, inutusan niya ang kaniyang secretary na dalhin ang mga dokumento na kailangan niyang pirmahan dito sa ospital, pati na rin ang kaniyang laptop, kaya kahit narito siya ay nakakapagtrabaho siya.
“Babe, may kailangan akong puntahan mamaya,” paalam sa akin ni Uncle Zarex. “Darating sin
