LORABEL
Nag-iwas ako ng tingin kay Aidan dahil hindi ko kayang salubungin ang kaniyang mga mata. Para bang tumatagos ito sa aking pagkatao at nanunuot hanggang sa kaluluwa ko.
“Sa tingin ko, wala akong kailangang ipaliwanag sa iyo, Aidan,” sabi ko sa kaniya.
“Kung si Zarex ang concern mo, siya ang kausapin mo para layuan niya ako. Isa pa, matanda na siya. Alam na niya kung ano ang tama at mali sa mga ginagawa niya.”
“Really, kaya ba ayaw mong sabihin na pinuntahan ka ni Lolo Arthur at kinausap ka niya noon pa?” tanong ni Aidan sa akin.
“Lolo Arthur?” tanong ko kay Adi.
Tumango siya, kaya nangunot ang aking noo at marahang umiling.
“Hindi ko siya matandaan,” sagot ko.
“Sa-sa panaginip ko lang nakikita ang lalaki sa larawang pinakita mo, tapos-tapos isang beses—”
Hindi ko natapos a
