LORABEL
Dahil gabi na at matagal rin ang biyahe papuntang Maynila galing dito sa Bulacan, kaya may tinawagan si Daddy at inutusan ito na sunduin kami ng helicopter dito.
Lima lang kaming aalis at sa tingin ko, kasya naman kaming lahat sa chopper, kaya nagpumilit akong sumama sa mga magulang ni Zarex.
Habang naghihintay kami sa helicopter na susundo sa amin, tinawag ko si Ate Kring at sinabihan ko siya na sila muna ang bahala dito sa bahay dahil aalis kami.
Hindi na siya nagtanong dahil alam na nila ang nangyari sa asawa ko. Binigyan lang niya ako ng malamig na tubig dahil nakikita raw niya na hindi maganda ang aking kondisyon, tapos namumutla pa ako.
Pakiramdam ko ay tila ba napakabagal ng oras habang naghihintay kaming dumating ang chopper na gagamitin namin papuntang Maynila. Ilang
