LORABEL
Umalis ako sa apartment na tinutuluyan ni Papa at naglakad pabalik sa malapit na LRT station. Mainit, mataas ang sikat ng araw, at masakit rin ito sa balat, pero balewala ito dahil mas masakit para sa akin ang ginawa niyang pag-abandona at pagtalikod sa amin ni Mama nang piliin niya ang babae niya.
Masakit man, pero tinanggap ko na ang nangyari. Kailangan ko lang siyang makausap sa huling pagkakataon dahil gusto ko rin namang magkaroon ng closure sa pagitan naming dalawa.
Ipinakita sa akin ni Papa na hindi na talaga ako mahalaga sa kaniya, kaya wala nang dahilan para lumapit ako sa kaniya dahil kinalimutan na niya ako at ang mahabang panahon na pinagsamahan namin bilang isang pamilya.
Ang akala ko'y masaya siya na dumating ako sa buhay nila ni Mama dahil naging mabuti rin nama
