LORABEL
Ang akala ko ay makakalabas agad sa kulungan ang asawa ko, pero apat na araw na siyang nakakulong doon at hindi pa namin alam kung kailan siya maaaring lumabas.
Matibay raw ang kaso laban sa kaniya dahil may CCTV footage ng oras at araw na dinukot ni Zarex ang babaeng biktima raw niya.
Naging viral na rin ang balita tungkol dito. Ilang ulit naming napanood sa panggabing news report ang tungkol sa kidnapping na iyon at paulit-ulit rin siyang laman ng mga blog ng kilalang mga blogger, kaya mainit pa rin sa mata ng publiko ang kaso na kinasangkutan ng asawa ko.
Malinaw ang kopya ng bidyo, at kitang-kita doon ang mukha ni Zarex, kaya hindi niya maitatanggi na siya ang lalaking nakunan ng CCTV camera sa mismong lugar na pinangyarihan ng pagdukot.
Dahil doon, nahihirapan ang mga ab
