LORABEL
Mabuti na lamang at nakita naming dumating na ang sasakyan ng asawa ni Faye, kaya hindi na nagtanong sa akin si Brando. Agad niyang sinalubong ang kaibigan namin nang bumaba ito ng kotse, kaya nakahinga ako ng maluwag dahil alam kong nakaligtas ako sa pagtatanong niya.
Nabaling ang atensyon ni Brando kay Faye. Siya na ang kinulit ng tsimoso at ususero naming kaibigan, kaya nakalimutan na niyang kulitin ako.
“Kanina pa ba kayo?” tanong ni Faye sa amin.
“Ako kanina pa,” mabilis na sagot ni Brando. Tumingin siya sa akin at ngumiti. “Itong babaeng ito, kadarating lang niya.”
Kinabahan ako nang tumingin sa akin si Faye. Baka kasi biglang sabihin ni Brando sa kaniya na hinatid ako dito sa campus ni Uncle Zarex, ganoon din ang nakita niyang mga kiss mark sa aking leeg. Siguradong ma
