LORABEL
Nakita kong nakahinga nang maluwag si Jaja nang makita niya akong lumabas ng pintuan. Naabutan ko siyang nakatayo sa tapat ng pinto kung saan ko siya iniwan kanina.
“You can visit here anytime kapag may free time ka, Belle,” nakangiting sabi ni Zeke sa akin. “You are welcome here.”
“Naku, salamat,” natutuwang sabi ko sa kaniya.
Magaan kausap si Zeke, at natutuwa ako sa kaniya, pero nang maalala ko ang babaeng nakita ko sa loob ng kaniyang bahay, ay agad akong humakbang palayo sa kaniya dahil baka bigla na lang akong masabunutan.
“Alis na kami, maraming salamat sa pagpatuloy mo sa akin dito sa bahay mo, Zeke.”
Ngumiti lang siya at kumindat pa. Si Jaja naman, biglang napalunok nang kalabitin ko dahil nakatulala siya habang nakatingin kay Zeke.
“Tara na, Jaja,” yaya ko sa kasa
