SA indoor swimming pool dinala ni Elias ang naluto nitong almusal. Dumiretso rito si Alina nang tawagin siya ng binata. Binuksan pa nito ng water fountain sa gitna ng swimming pool. Malawak ang area sa loob, karugtong ng greenhouse na puno ng berdeng halaman.
“Kain na, honey. Gumawa lang ako ng ham and egg sandwich kasi alam kong ayaw mo ng heavy meal. May salad din ako,” ani Elias. Pinaghila pa siya nito ng silya sa harap ng round table.
“Salamat sa effort mo,” aniya nang makaupo.
Hindi pa rin maalis sa isip niya ang ginawa ni Elias na nilabhan ang kaniyang underwear.
“Nilabhan ko pala ang underwear mo kaninang madaling araw,” mayamaya ay sabi ni Elias.
Napatitig siya rito at umalab na naman ang kaniyang mukha. “Bakit mo ginawa y’on?”
“Ah, kasi baka gapangan ng ipis. May maliliit ka
