MADALING araw ay nagising si Alina dahil na rin sa masamang panaginip. May nakita siyang kabaong sa panaginip ngunit hindi maklaro kung sino ang nasa loob. Matulin ang t***k ng kaniyang puso dahil sa hindi mawaring kaba. Isa itong masamang pangitain.
Hindi siya kaagad nakakilos dahil yakap siya ni Elias. Mahimbing na ang tulog ng kan’yang asawa at hindi niya namalayan ang pagdating nito. Nang maalala ang kaniyang ina ay nagpumilit siyang makawala kay Elias. Bumangon siya at pumasok ng banyo. Kahit bahagyang nahihilo ay naligo pa rin siya.
Mahimbing pa rin ang tulog ni Elias paglabas niya ng banyo. Hindi na niya ito ginising. Mabilisan siyang nagbihis at umalis ng bahay. Alas singko pa lamang ng umaga kaya hindi muna siya nag-almusal. Uminom lang siya ng maligamgam na tubig bago umalis. N
