TANGHALI na’y nakahilata pa rin sa kama si Alina. Ilang beses na siyang tinawag ni Elias para kumain. Kinain lang niya ang hinatid nitong almusal at natulog ulit. Bumalik na naman si Elias at niyugyog siya sa balikat.
“Honey, get up,” sabi nito.
Umungol siya. “Inaantok pa ako,” reklamo niya.
“Mas mahaba pa ang oras ng tulog mo sa akin.”
“Hindi kaya. Ginising mo ako ng madaling araw at pinagod.”
Natawa si Elias. “Matulog ka na lang ulit pagkatapos kumain, hm?”
“Mamaya na.”
“Come on.”
Nahimasmasan siya nang bigla siyang buhatin ni Elias. Lumabas na sila ng kuwarto at nagtungo sa lamesa na may pagkaing nakahain. Pinaupo siya nito sa silya. Luminga-linga naman siya sa paligid at wala siyang nakitang tao. Wala pa naman siyang suot na bra, manipis lang na nighties.
“Sino ang nagluto ng
