Hindi alam ni Lyca kung ilan na bang buntong-hininga ang ginawa niya nang umagang iyon. Nasa labas siya ng kanyang kwarto sa may balcony at pinaghanda siya doon ni Clover ng almusal na sabay nilang pinagsaluhan. Sinalo ng kanyang isang palad ang kanyang mukha at naghalumbaba sa gilid ng mesa. Dumako ang tingin niya sa bulubundukin at sa kaburolan na hindi naman kalayuan sa kanyang paningin.
Sa katunayan ay maaga siyang nagising, hindi gaya ng usual niyang bangon. Nagulat pa nga si Clover nang makita siyang gising na at sinabihan siyang matulog ulit, pero hindi na naman siya inaantok. Siguro ay concern lamang ito sa kanyang kalusugan afterall, kakalabas niya lamang ng hospital. Gusto niya pa ngang mag-ehersisyo, kaya lamang ay baka pagalitan na naman siya ng assistant. Hindi naman niya gus
