KANINA PA PAIKOT-IKOT si Florence sa loob ng boutique ng Marks & Spencer sa Glorietta. Doon siya pumunta dahil tinamad na siyang pumunta sa ibang branch niyon. Isa pa, malapit din iyon sa kanyang opisina. Dala ang mga napili niyang damit ay nagtungo na siya sa counter. Ngunit biglang nagbago ang isip niya nang may mahagip ang kanyang mga mata.
Ibinalik niya ang ilang oras na hinanap na mga damit at pasimpleng lumapit kay Donn na abala ring namimili ng mga damit nang mga sandaling iyon. Kunwa ay nahihirapan siyang maghanap ng damit para sa kanyang kapatid.
“Hay. Ano ba namang buhay ‘to? Bakit kasi hindi pa sumama ang lalaking iyon, eh. Kanya naman itong mga pinapabili. Kaasar talaga…” She turned and ‘accidentally’ saw him. Agad napangiti si Florence. “Oh. It’s you.” Charot. “Hello.” Hind
