“Bakit hindi ka pa sumama sa asawa mo, Patricia?” tanong ng Daddy niya nang makaalis na si Miko.
“Nag-usap na po kami ni Miko, at dito muna ako mag-stay,” tugon niya sa ama.
“Patricia, pinauwi ka namin dito para sa pagsasama ninyo ni Miko, tapos tatanggihan mo ang asawa mo!” galit na saad ng ama.
“Dad, hayaan mo muna ang anak mo. Kararating lang niya,” pakiusap ng Mommy niya sa ama.
Nasa sala rin ang dalawa niyang kapatid. Wala ni isa sa kanila ang nakikialam sa gulo nila.
“Ano bang hayaan! Nakakahiya ang ginawa niya! Kaya nagtungo rito si Vice dahil ang alam niyang susunduin niya ang asawa niya!” mariing saad ng ama.
“Dad, hayaan niyo po muna kami ni Miko. Ayusin po namin kung ano mang gulo ito,” sabi niya sa ama.
“Oo nga naman. Pabayaan mo muna ang mga bata,” segunda ng ina.
“Dal
