"T-Tristan," nauutal na sabi ko at dali-daling lumapit sa kaniya dahil hindi ito ang tamang oras para malaman ni Daddy na may boyfriend na ako!
"Uh-huh. Manliligaw ka ng anak ko?" biglang tanong ni Daddy.
Mas kumalabog na naman ang puso ko. Kahit naman may sama ako ng loob kay Daddy ay hindi ibig sabihin no'n ay mawawala na ang respeto ko sa kaniya lalo na kapag dating sa pagkakaroon ko ng manliligaw o boyfriend.
"Good evening, Sir." Formal na bati ni Tristan.
Napatingin ako kay Tristan at bahagyang umiling sa kaniya pero mukhang wala na akong magagawa ngayon dahil nakita na siya ni Daddy.
"Come in," sabi ni Daddy at agad namang naglakad si Tristan palapit sa amin.
Inabot niya sa akin ang bulaklak na hawak niya kaya kinuha ko naman 'yon. Sinabi ko na sa kaniya dati na huwag na siyang
