"Bitiwan mo nga ako Nathan!" Asik niya sa asawa nang makalabas na sila ng bahay at pasakay na ng sasakyan.
"Get inside, Ellie!" Mariing utos sa kanya ng asawa at kusa na rin siya nitong bitiwan para sumakay na sa sasakyan. Humugot na lamang siya ng malalim na paghinga at mabilis na sumakay ng sasakyan kesa sa makipah bangayan pa sa asawa. Nasa bakuran pa rin sila ng kanyang mga magulang at baka makita pa ng mga ito ang gulo nilang mag asawa.
Galit namang sumakay sa driver seat ang asawa niya at agad na binuhay ang makina saka mabilis na pinaharurot ang sasakyan. Hindi siya nagreklamo o kumibo man lang, humawak na lamang siya para hindi sumubsob ang mukha.
Halata sa paghinga ng asawa ang galit na nararamdaman nito sa kanya. Marahil nagulat ito sa sinabi niya kanina. Ano bang akala nito
