NAGTATAKA si Ashley, sa edad niyang iyon, kung paano siya naging designer dahil CPA-Lawyer din siya. Samantalang ang sabi ng kapatid ay kaedad niya raw ang bestfriend niya. Nang kanyang tanungin kung ilang taon na ang kaibigan, ang sabi ay twenty-seven years old daw.
"Anak, anong iniisip mo?" tanong ng ina.
Lumingon si Ashley; nakatayo ang kanyang ina sa gilid niya, hindi man lang naramdaman na naroon ito.
"Iniisip ko lang po ang mga sinabi ni Kuya Lander. Sabi niya, dati din akong designer. Paano nangyari 'yon kung CPA-Lawyer din ako? Ilang taon na ba talaga ako ngayon?"
"Twenty-seven ka palang anak, kaya ka naging designer. Fifteen years old ka lang nang mag-graduate sa high school. Pagkatapos nag-take ka ng exam sa bansang Europe at nakapasa ka bilang designer. Isang taon ka lang do
