Chapter 25
ILANG ARAW na ginugulo ni Dom ang isip ko. Hindi ko siya maintindihan. Pagkatapos niyang magsabi ng matatamis na mga salita at sabihing mahal niya ako, sasabihin niya namang huwag ko siyang mahalin. Ang mas malala pa, bumalik ulit siya sa paggawa ng bagay na nakakahulog at pagbibigay ng sweet lines. Mahirap pigilan ang sarili na huwag magpadala pero kailangan kong gawin para hindi na masaktan.
Napailing na lang ako para alisin ito sa isip ko. Bahagya kong kinagat ang dulong bahagi ng stylus pen para makapag-isip. Ginagawa kong tumba-tumba ang upuan ko habang ini-imagine ang next scene na aking ido-drawing.
Tumitig ako sa cover ng kanyang libro. Umayos ako ng upo at binasa ang pangalan sa ilalim ng title nito.
“Jack Collin?” basa ko.
Agad akong napatakip ng bibig nang mapa
