Hindi ko alam kung anong gagawin ko sa gabing 'yon. Ilang beses kong tinawagan si Amber pero wala akong natanggap na sagot niya at ilang beses na rin akong kinakatok ni Damon pero hindi ko 'yon pinagbuksan dahil iyak lang ako ng iyak.
Galit at pag-aalala lang ang nararamdaman ko ngayon at kapag nalaman ko mismo na ang Mommy niya ay may pakana nito ay hindi kona alam ang gagawin ko. Isa ito sa dahilan kung bakit hindi ko masabi sa kaniya ang tungkol sa mga anak niya dahil natatakot ako sa maaaring gawin na naman ng Mommy niya.
"Drink water first," sabi ni Jacob at inabutan ako ng tubig.
Uminom naman ako roon at muling tinawagan si Amber pero hindi pa rin siya sumasagot. Ganoon din si Morgan at kahit ang mga tao sa bahay ay hindi sinasagot ang tawag ko.
"Bukas pa tayo makakauwi. I alread
