PAGKATAPOS nilang kumain sa labas ay sinamahan siya ng lalaki upang mai-withdraw ang perang ibinigay nito sa kaniya bilang paunang bayad. Nais kumawala ng kaniyang dibdib at nagniningning ang kaniyang mga mata nang bilangin sa kaniyang harapan ang malaking halaga na kaniyang iwinithdraw sa bangko. Kaha-kaha niya iyong kinuha at ipinasok sa dala niyang bag. Maigi na lamang at malaki-laki iyon. Hindi siya makapaniwalang sa wakas ay nahahawakan na ito. Ang akala niya ay isa lamang iyon panaginip. Talagang nagtatalon ang kaniyang puso sa sobrang kasiyahan at namamasa ang kaniyang mga palad sa tensyong nararamdaman. She was excited and tensed at the same time. Ni sa panaginip ay hindi niya naisip na ngayong araw na ito ay makahahawak siya ng ganito kalaking halaga ng pera. “Salamat,” aniya pagk
