ALEXIA POV.
Bansang Taiwan
MAGANDA ang accommodation na tinutuluyan ni Papa Alfredo. Bago ang gusali at kapansin-pansin ang kalinisan ng paligid. Mahigpit din ang seguridad, sapagkat tanging ang may access card lamang ang pinahihintulutan makapasok.
Pagdating namin sa floor, kung saan naroon si Papa Alfredo, mahigpit akong humawak sa braso ng kapatid ko.
“Kuya Kennedy, salamat sa tulong na ginawa mo para kay Papa,” naluluha kong sambit. “Salamat din at sinamahan mo kami. Ayon kay Kuya Kenneth, sobrang busy ka raw, pero naglaan ka pa rin ng oras para lamang maihatid kami rito.”
Ngumiti siya at marahang tumango.
“Kahit gaano pa ako kabusy, kapag kailangan mo ako, huwag kang magdalawang-isip na tawagan ako. Gagawa at gagawa ako ng paraan para mapuntahan ka,” ani Kuya Kennedy bago niya p
