HUGO POV.
MAY mga tao talagang kayang ipagpalit ang dangal kapalit ng yabang. Walang pakialam kahit may masagasaan… kahit inosente. Pati batang walang muwang, tinuturuan ng kasinungalingan para lang mapanatili ang imahe nila sa lipunan.
Ngunit ang tuluyang nagpaliyab ng galit ko ay ang walang habas na sinabi ni Mr. Eugene Dela Cruz sa harapan ng lahat… na may dati raw akong asawa at anak sa labas si Nico Alexis.
“Hinahamon mo talaga ako, Mr. Dela Cruz?” mariin kong tanong, pilit kinokontrol ang galit na kumukulo sa dibdib ko.
“Bakit ko naman gagawin ‘yon?” sagot niya habang may mapanuksong ngiti sa labi. “Nagsasabi lang naman ako ng totoo. Hindi ba’t ikaw ang may gusto na ilabas ang buong katotohanan?”
Tumango ako nang marahan.
“Okay. Kung ‘yan ang gusto mo… ang buong katotohanan, si
