Kinabukasan, pagmulat niya, mabigat ang buong katawan niya. Tamad na tamad siya. Ito ‘yong pakiramdam na sinasabi niya kaya naiisip niyang baka buntis na siya. Ilang beses na kasi niyang naramdaman ‘to tuwing umaga.
Bumangon siya at naramdaman ang pananakit ng ulo. Sinalo niya ito—doble ang sakit ngayon. Marahil dahil sa pag-iyak niya kagabi, isama pa ang masamang pakiramdam. Magdamag siyang umiyak. kung anu-ano ang naiisip niya. Sinisisi niya ang sarili sa mga nangyayari kay Enzo. Wala namang dapat sisihin sa paghihirap ng asawa ngayon kundi siya. Kung hindi dahil sa kanya, hindi magkakaganito si Enzo. Hindi ito itatakwil ng Papa nito.
Kahit masama ang pakiramdam, pinilit niyang bumangon. Marami silang activities sa eskwela, kaya titiisin na muna niya ang sakit ngayon. Matamlay siyang n
