Hindi sila naghiwalay ng tuluyan ni Enzo. Iyon nga lang malaki ang nagbago sa pagsasama nila, para na rin silang naghiwalay nito. Hindi na sila magkasama ng asawa sa iisang silid, sa katabing silid niya tumutuloy si Enzo. Hindi rin sila nag uusap nito. Hindi na ito nagtatanong pa sa kanya, kahit ma late siya nang uwi. Kung baga malaya na nga siya. Nakuha na niya ang kalayaang hinihiling niya sa asawa.
Nagbago na rin ang schedule ni Enzo sa pag uwi ng San Miguel, walang regular na araw. Uuwi ito kung gusto nito, may mga linggo rin na hindi umuuwi ang asawa, minsan umaabot pa ng buwan.
Nais man niyang tanungin ang asawa sa hindi pag uwi nito, ay pinipigilan niya ang sarili. Wala siyang karapatang tanungin ang asawa. Kung siya nga malaya niyang gawin ang gusto niya, ganoon rin si Enzo.
Sa
